@@@ صمت الكلام @@@
قولنا كلام اخر تمام
ضرب السلام ..
طار الحمام ...
باع الخيال .. علي المحال
محتال ورافع الشعار
احنا ولاد الفهلوه
واحنا اللي دهنا الهوي
بقي ده اسمه كلام !!!!
.............
والناس ف ظيطه وعمله عيطه
والكل غاوي .. خرفان تكاكي
وديوك تهاتي ..
والفجر طالع
وكل يوم في ١٠٠كلام
شغلولنا بالنا ....
بحوار سلامنا
والناس ياسيدي
اخر تمام.....
عماله ترطن ف حروف كتير
تقولش فته ومحتاجه تكه
واشاعه رايحه
واشاعه جايه
عملولنا ازمه
والناس ملازمه
الشاشه ديه
زرعوا الوساوس
في قلب الودان .
لا حد عارف وقت الاذان
تسال يقولك .
ف الصبر حبه
وبكره تحلي مافيش كلام
والدنيا ماشيه
معصوب عنيها
بحزام لغم
لو قولت اه
لو قولت نحلم
لو قولت مالي
يصم الكلام ..
والحلم سيد مافيش كلام
بكره يعود حبل الوئام
ونبقي ضله ف عز روحنا
نسمايه هله ساعه عصاري
والكل جاري وجنب مني
اخر تمام.....
ويعود فرحنا يداوي جراحنا
وضحكه صاحيه تملا الودان
..............
ونعيشها تاني ف امن وسلام .
............
بقلم .. سناء السيد قنديل
٢١/٤/٢٠١٦
ليست هناك تعليقات:
إرسال تعليق