كلمونى :::::: للشاعرة جهاد (جاردى )

كلمونى

-------

كلمونى عن حبيبى

فكرونى تانى بيه

زودوا للشوق لهيبى

لما فارقتنى عنيه

جددوا جرح الليالى

اللى ياما عشنا فيه

سهرونى و ف عيونى

دمعة بايته بتناديه

كلمونى و سمعونى

صرخته بتفتن عليه

كلمونى و طمنونى

إنى لسة عايشة فيه

و أما بيذاكر فنونى

غنوتى تسهر عنيه

بيقولولى إنه تايه

عقله منه عنه غاب

لسة حتة فيها تايه

لو تعود يرجع شباب

من فراقى دمعه سايل

ليله و نهاره عذاب

القليب معادش شايف

من بنات الدنيا تاب

--

جاردى

بتتحداني ,,,,,,كلمات / احمد فتحي

بتتحداني # غنائية

كنت بتتحداني تمللي

وكل يوم تعمللي اللاللي

انا برده كسبانه يا قلبي

هسهرك بقه طول الليل

مع النجوم هتقول مواويل

يا فايتني كدا صبح وليل

انا وحدي وضوء الاناديل

دنا قلبي في هواك بيميل

ريحني وهات المنديل

وشهودك لو حتى اتنين

وايديه في ايدك ونطير

على عشنا زى العصافير

كلمات / احمد فتحي

**عاوز حبك** ======الشاعر/ثروت كساب

**عاوز حبك**

==========

عاوزك ليا

تكونى معايا

فى عز البرد

تكوني غطايا

عاوزك ليا

كتاب مفتوح

أعيش جواه

لحظة بوح

عاوز اشرب

حب ليلاتى 

واعيش متهنى 

وانسى اهاتى 

عاوز سري

يبقى ف بير

عاوز أعيش

ف حياتى وزير

مااشغل بالى 

باى مشاكل

افتحي ليا

حضنك ياله

وانا حكون

سي السيد جوه

واحفظ حبك 

مهما تقولى

واكون لشطك

مركب ترسي

عاوز أعيش

الحب ليلاتى

افرح بيكى

وتكونى 

كل حياتى

.................

ثروت كساب

اغنية ( ارجع بقي ).....بقلم الشاعره شيرين جاد

اغنية ( ارجع بقي )
ارجع بقي
روحي وقلبي اسيرة اللؤا
عيوني ليك كده متشوقه
ياحلم حلمته يا فرحة ربيع...
حرام حبي ليك من ايدي يضيع
...... ارجع بقي .....
حبيبي ياغالي
ياشاغلي بالي
يانجم في سمايا طول الليالي
...... ارجع بقي .....
ملت عيوني من الانتظار
بس مافيش ياحبيبي اختيار
يانبضي
ياروحي
ياحلم السنين
زادت اللهفه والشوق والحنين
ارجع ياغالي
ياشاغل لي بالي
حرام تسيب روحي متشوقه
..... ارجع بقي ......
........... شيرين جاد ......
عرض المزيد

أعجبني

اغني لرمضان,,,,,,الشاعر مصطفى عبد المجيد

اغني لرمضان تبحث عن مطرب

=========

الليل سعيد فرحان

الهلال زهر وبان

افرحو يا مسلمين

بكره اول رمضان

==========

دق المسحراتى

قومو اتسحرو يا اخوتى

ربك غفور رحيم

هيمحو سيئاتى

============

قوم يا عاصى توب

عملك عليك محسوب

رمضان شهر الغفران

طهر نفسك م الذنوب

===========

قوم صلاى يا غفلان

بينادى عليك الاذان

الفرض بقه بسبعين

والسنه بفرض كمان

=============

من رحمة الرحمان

وهب للمسلمين رمضان

عشان يكفر زنوبنا

بصدقه والاحسان

============

ربنا فرض الصوم

لنحس بالجعان المحروم

طلع زكات مالك

فى بحور الخير تعوم

============

الشاعر مصطفى عبد المجيد

(الثأر لذاتى) (عمرو أنور)

(الثأر لذاتى) (عمرو أنور)

أقسمت بحب حياتى, أقسمت على الثأر لذاتى,

شهد فؤادى على حبى, وشهد قلبى على فؤادى,

نسيت نفسى أياما, من حب دخل حياتى, 

كانت لى هى الدنيا, وعاش قلبى عبدا لفتاتى, 

إنهار حب حياتى, فى زمن زادت فيه ألاهات, 

إنهار كجبل جليد, هوى فى بئر الظلمات, 

قلت يا فتاتى: 

كنت لقلبى حبا, عاش فيه, وخرج من حياتى, 

وقال فؤادى: 

بحثت فى حطام ذاتى, وجدتنى, قابع وسط آهاتى,

وقالت نفسى : : 

تركتك تعيسا, وعاشت تنهل من الملذات, , 

وقال قلبى: 

إلا فتاتى , دعنى أتلوا مناجاتى, فأنا سعيد بعذاباتى , 

وقلت: 

عذاب حبى لفتاتى, أهون من عذاب الثأر لذاتى, 

وعدت أردد: 

لن أثأر لنفسى وذاتى من فتاتى, فما زالت هى حب حياتى.

(رحلت),,,,,, (عمرو أنور)

(رحلت) (عمرو أنور)

يهفو إليها فؤادى, وترفض نفسى فى إباء وشمم, وأعيش أنا دوما فى ألم,

حدثنى قلبى فقال: 

رحلت وتركتنى اليوم حزين, رحلت وخلفت وراءها جرحا أليم,

ليتنى لم أطلب منها الرحيل, ليتنى ما إستمعت لأصوات لعينة,

أبصرت جمال الدنيا فى عينيها, فهواها وسام على صدرى,

تحدثت عن هوانا العيون, وإرتفعت أعناقنا فوق الغصون,

وقالت نفسى:

كان الماضى أليمَ, وفى القلب ألم مازال دفين, ودمعة فى العين حزينة,

ما رأت عينى ورودا ولا رياحين, بل شاهدت بنفسى آنين,

ما رأيت فرحة تتلألأ فى العيون, كان الحب صفحة حزينة,

كان الحب صفعة على خدى أليمة, فطلبت منها أنا الرحيل,

حطمت هواها بنفسى, لما شاهد ألمى , وصمت كصنم,

مهما اقول يامصر,,,,,,,بقلم / شيرين جاد

مهما اقول يامصر فيكي

مش هيكفي اي كلام 

لون نيلك لون عيوني

ومهما اسافر اجي اوام

...........................

عاشق رسمك عاشق اسمك

يا نبض قلبي من جوا

واي غدر علي ارضك

ادافع عنه بالقوه

.....................

هحكي عنك يا حبيبتي 

حكاوي تاريخ زمان

ماانت بغلاوة امي

وانتي نبع للحنان

...........................................

واما يسأل عنك ابني 

هقوله فيكي الأمان

من أيام ابويا وجدي

يا ما غنينا ألحان 

.......................................

مسلم كان أو مسيحي

حبك بالقلب مهما كان

ولو طلبتي روحنا ليكي

مهرك ياعروسة الزمان

.............................

بقلم / شيرين جاد

مستني ايه,,,,,,الشاعره /شيرين جاد

اغنيه

مستني ايه

مستني ايه مني عشان اقولهولك 

مستني كلمه تطمنك ترضي غرورك

مستني تعرف ايه جرالي في بعدي عنك

مش راح اقولك خلي احساسك يدلك 

مستني تشوف انكسار 

او دمعه ماليها المرار 

بطمنك ... انا في انهيار 

مستني اسألك ... كنت فين 

بعت ليه حبي و شوقي والحنين 

تعالي وشوف جريمتك 

واسأل نبض قلبك 

اللي باع هوايا 

او اسال صورتك ديا

اللي قدام عينيا 

وشهدت من البدايه

مستني ايه ...

اغنية سنين من عمري للشاعر عوض علي سالم

سنين من عمرى فاتوا

وهو عايش حياته

ليه ياقلبى نبقى على ذكرياته

عايشه فى وهم وحنين

مخدوعه انا وقلبى المسكين

كنت فاكرة هيحن تانى

ويرجع لحبه الاولانى

اتاريه مغرور انانى

بيحب قلب تانى

سنين من عمرى فاتوا

وهو عايش حياته

ليه ياقلبى نبقى على ذكرياته

وحياه الحب اللى عشته

والعمر اللى ادتهولك

ل اخليك تندم على قلبى

وعلى الحب اللى حبتهولك

$ سنين من عمرى $