....يابنت الريف....
ـــــــــــــــــ
يا حلوه يابنت الريف
لما بشوفك تقوم الحرايق
شاعر انا وقلبى رهيف
خليتى الفكر مش رايق
لا تشبعنى ميه ولا رغيف
غير نظره من عنيك يامتعايق
ادفا بيها شتا وصيف
بحبك بقولها لكل الخلايق
لا تقولى امتى ولا حتى كيف
ياضلة الصفصافه.. ياطرح النبايق
لا هكون فى قلبك عابر
ولا هكون حتى انا ضيف
هكون راعى للحب سايق
لجل ماتكونى اميرة زمانى
وهرفع على النوق البيارق
عاشق انا ولا عشاق البوادى
بقول الحرف من قلبى
بغطى القمر ياحبيتى بكفى
لانى عارفك..لانى شايفك
لأنى بقلبى حاسك
بقول بحبك وبالى رايق
جميله وعفيفه..والكل حبك
ولو يحبوكى..عندى مش فارق
لان النظره من عنيكى
ف قلبى..عارف مش تفارق
ولو الكل خطب ودك...
الود منك فى قلبى راشق
ياللى غطيتى الشمس بالطرحه
والخال على جبينك عايق
هخطيلك..فين ما تكونى
وهمد على الترعه الفلايق
.
ليست هناك تعليقات:
إرسال تعليق