زهق الكلام
بقلم أميمة عبدالمنعم القاضى
الدنيا ليه واقفة قصادى
والدمع ليه لمس عنادى
والفرح قال عابر سبيل
يعنى خلاص ناوى الرحيل
والأرض عطشانة بأمل
يمكن يسقيها الزمن
ويمكن يقتلها النصيب
ويمكن يكون ليها حبيب
يفرش حنانه على الطريق
يكون الأمل وافضل رفيق
طب قول يا زمن مخبى ايه
والدنيا معاندة معايا ليه
البسمة ليه كبرت علينا
والفرح بعد كأنه بيه
قول يا زمن مخبى ايه
ليست هناك تعليقات:
إرسال تعليق