وفات العمر
-----------
وفات العمر
ليالي تمر
ألم وعذاب
وقسوة ومر
ماحسيت بالحياه فيها
ولا لحظة تعدي تسر
تجيني الآه
تقيد النار
وانا محتار واداريها
وتنهيدي يزيد نارها
يصحيها
يفوت الليل
ويطلع فجر
وكل نهار
أقول الصبر
وطال الصبر
ودموعي علي خدودي
بتجري نهر
وماعرفتش معاني الفرح
ولا دقتش أنا غير جرح
يسابق جرح
دخلت حياتي وف ثانية
لقيت الدنيا دي دنيا
وحلّيتها .. وخلّيتها
أمان وشموع
ومن يومها .. وحبّيتها
ما شفت دموع
بقيت فرحان ومتهني
وليلي نهاري بيغني
واخاف لتمر لو ثانية
بعيد عنك
وكل اوقاتي تحلالي
قريب منك
بقيت انت حبيب عمري
وحبك ليّه ياعمري
لعمري فجر
وماعرفشي
نسيت الماضي بقساوته
ياروحي ازاي
وشفت الحب وحلاوته
وحلمي الجاي
لقيتني باعيش
وحزن مفيش
وحبك خدني وداني
لدنيا جميلة واخداني
بعيد عن كل أحزاني
ونا ماعرفش ياحبي
دا كان لي فين ومتخبي
وإيه السر
لقيت العمر أيامه
حنان وأمان
وفين أيامي وسنيني
ياقلبي زمان
ياريت ترجع ونملاها
بفرح كمان
واعيش وياك ف دنيا هواك
بلا أحزان
دي لحظة واحدة
في هوانا
تساوي عمر.
