مراية الحب
بقلم / ايمان السقا
تكدبنى ..اقول ماشى
عشان نفسى ماصدقنيش
واصدق كدبتك ليا
واغمض عينى واسمعلك
واسرح عقلى منى يطير
اﻻقى الدنيا ورديه
اصبر نفسى ولنفسى
اقول يمكن ﻻنى بغير
ارجع تانى احسبها
واروح احكى لكل الناس
اﻻقيهم بيتهامسوا . ويتغامزوا
ادور وشى وامشى هناك
اروح اجرى على مرايتى
عشان هى اللى بقيالى
اكلمها وتشكيلى
بصدق اما تحكيلى
وتتبسم تتطمنى
وضلى فيها يدعيلى
ليست هناك تعليقات:
إرسال تعليق