مش غريبة الطير بيغرق ؟
والكلاب طايره بسما ؟
مين يقول إيه اللي يفرق
يعني انت لسه شايف
وانت عايش ف العمى ؟
2
مرة من أيام وعدت
كنت ماشي بقول يا رب
قالي واحد مين بتنده
وانت مليان ألف ذنب ؟
3
قلتله ذنبي ف لساني
وف مشاعر تايهة مني
ذنب إيه وديبكم بيعوي
هو إنسان ولا جني ؟
4
لما عشت ف وسط ناس
كنت محسوب م البشر
لما عشت بوسط غابه
قالوا لازم تنتصر
5
كات ذنوبي جميلة لما
بنقارنها بفعل وغد
رغم إني مش بكابر
واني عثمان ولا سعد
6
انت بس الغيرة منك
لاجل اني رجعت فالح
لو رجعت بايدي فاضيه
بشرب النهر اللي مالح
7
كنت هتعاير وتعتب
غور في داهية وسيبك انت
دنيتي دنيا اللي يغلب
والنجاح كان بين اديه
وانت لساك برده واطي
ماشي جنب الناس تتاطي
سيبك انت اللعبة ليه
وانت خسران مهما تتعب
ليست هناك تعليقات:
إرسال تعليق