............ حالة عناد ..........
===================
هاتى كل اللى عندك يادنيا
وزيدى فى عندك .. اتعبينا
أزرعلك أشجار الصبر .. وارويها
تطرح ثمارك المر فى حلقى
يادنيا .. دنيتك مش رقيقة
بريئة وقايدة ميت حريقة
علشان تضحكى كل دقيقة
إنتِ عايشة الوهم والا الحقيقة
هاتى يادنيا حزنك بالكيلة
شيلينا وارمينا هيلة بيلة
إن بكينا ماتبكى علينا
وحطى إللى عندك ف الشيلة
آه يانى يادنيا .. مش عارفانى
ومش فاهمانى .. ومش حاسانى
مهما أقولك والا أعيدلك
أكيد مش سامعة لحن الأمانى
--------------------------------
حسن توفيق
2016/4/28
اشكركم على النشر
ردحذفبارك الله فيكم
تحيااااتى للجميع