...... غربة حيااااااااااة .............
عشت الماضى ودقت قساوته
وأتحملت كتير لغباوته
حتى الحاضر مش عاوزاه
قابض على أنفاسى بيخنق
حابب كدبه ورافض يصدق
حتى الصبر مانيش لقياه
بأنده ع الضحكاية تجى لى
ترفض وتدّور على غيرى
ويطول حزنى وأنا وجواه
يوم ورا يوم وسفينتى بتجرى
فاقدة الدفة شراعها بيحبى
تايهة شطوطها ما بين الآه
لو بس ترسينى وتهدى
وتحدد لى هدفها وترضى
وتنور لى طريق وألقاه
حأقدر أعيش أيامى الجاية
وأنسى أيام مليانه قسية
هو ده كل اللى أنا عاوزاه
ليست هناك تعليقات:
إرسال تعليق