آسفة حبيبي بقلم د/نيفين مطر

آسفة حبيبي

*************
آسفة إني في يوم حبيتك
وِبعت العالم كله واشتريتك

وآسفة اني في يوم خٌفت عليك
وكل لحظة والتانية بفكر فيك
وكل أملي تكون ليا لوحدي
وتسيب كل اللي حواليك
اسفة اني دايما باشتاق ليك
واني مابشوفش الدنياغير بعنيك
اسفة اني باشتقلك
اسفه اني بحتاجلك
اسفة اني بندهلك
وكل قلبي وهبته ليك
عملت المستحيل عشان اتقرب ليك
بس دايما تحسسني اني عبئ عليك
احترت والله معاك ازاي أرضيك
ازاي أخليك تحبني وتشتقالي
وما تبعد عني وابقى كل حاجة ليك
كل ذنبي إني حبيتك ووهبت عمري ليك
بس أوعدك خلاص
مش حفرض نفسي تاني عليك
وحبعد عنك وعن دنيتك
ويارب ده يرضيك
لاني تعبت منك ومن ظلمك
ومن قسوتك وكل طبع فيك
حتى لو مُت من بُعدك
مش حرجع تاني ليك
بس يارب ده يسعدك
ويفرح قلبك اني سبت دنيتك
وعُمرك ما حتشوفني تاني بعنيك
***************************
كلمات د/نيفين مطر