****شفت العفريت****
شفت العفريت ابن العفريت
شفت ازاى بيخاف من عودكبريت
لقيت صوت جوايا قام قالى
بس انت اتوضى وقوم صلى
ليقش البيت وما يخلى
وتسيب له البيت وما تولى
ويعمل لك كارثه جوه البيت
عشان عفريت ابن عفريت
وكمان بيخاف من عودكبريت
هيوز مراتك تطلق
وعيالك تطفش وتفلق
وصوتك يتحاش يبقى مغلق
وتشوفه يرقص لك فوق الحيط
وعمال يتنطط تنطيط
عشان عفريت ابن عفريت
وكمان بيخاف من عود كبريت
لوشفت خياله تقوم تجرى
وتقول دا شنكلنى ف رجلى
وكوابيس بتجينى ف منامى
وماعدتش شايف قدامى
ويرقص لى حواجبه ويضحكلى
واهه م العفريت ابن العفريت
اللى بيخاف من عود كبريت
تعالوا شوفوا اللى جرى لى
دى مراتى خلاص سابت البيت
وماعاد ف البيت نقطة زيت
والاكل بيخلص ف ثوانى
اكلوه ولا العفاريت
عشان عفاريت ولادعفاريت
اشباح بتمشى قدامى
كل ماتروح ترجع تانى
قمت ياناس اجرى وراهم
عشان اطردهم من بيتى
قاموا جريوا ورايا وضربونى
وطرحونى ع الارض وخنقونى
وناديت لولادى مالحقونى
اتارينى نايم بهدومى
اول ما دخلت من البيت
وكل دا كان ف منامى
بسبب العفريت ابن العفريت
اللى بيخاف من عود كبريت
لو افتكرت ان اصلى
ماكانش جرالى اللى حصلى
ومهما ان كان اصله عفريت
بيطفش من اول سجده
اوحتى كمان من عود كبريت
*********************
كلمات / محمدفارس أبوعمار
عضو/ نقابة شعراء مصر 36
ليست هناك تعليقات:
إرسال تعليق