قصيدة ( اتجوزيه )
بقلمى هدى سيد
٢٠١٦/٧/٢٤
لو هيقدر يحمى ضهرك
لو صحيح هيشيل ف همك
لو هيفضل جنب منك
لو هيمسح دمع قلبك
يبقى يالا اتجوزيه
لو هيسمع وانت تحكى
لو يطبطب وانتى تشكى
لو ف قلبه هتستخبى
تبقى سفينة عنده ترسي
يبقى يالا اتجوزيه
لما يكون بيخاف عليكى
والدمعة تخاصم عنيكى
والضحكة تصاحب شفاكى
والحنة تلوووون ايديكى
يبقى يالا اتجوزيه
لو هيراعى ربنا فيكى
يبيع الدنيا ويشتريكى
والورود يزرعها ليكى
وبكاسات حبه يرويكى
يبقى يالا اتجوزيه
حافظى على قلبه وراعيه
وبحنانك وبغرامك اغمريه
عن عيون الناس دااااااريه
املي داره خير وبركه واحتويه
على سنة الله والرسول
اتجوزيه
كل الى حضرتك كتبتيه عملته واكتر منك كتير
ردحذفوالنتيجة كانت الخيانة والغدر والطلاق 3 مرات فى سنة ونص عشان بيعشق