رساله لابنى (وصيه
أب)
ابنى حبيبي
خلى بالك الدنيا مش ديما ليك
وحافظ على امك اخوك واوعاك تسيب ايده
حاسب يا ابنى من صاحب السوء
واوعا تدوس على الغلبان
وقول الحق لو على رقبتك
وموت راجل احسن ما تعيش جبان
واوعا تصاحب الندل
واوعا يا ابنى تكون في يوم ظالم
ده الظلم هم وغم مايخليك ابدا تنام
وعوزك تكون زى الجبال ما يهزك ريح
واوعا فى يوم تدوس على قلوب الناس
واوعا تكون غدار وللحب كداب
ده الحب ياما كسر قلوب جدعان
وحب الحب من قلبك مش كلمه تقولها وخلاص
ولما تحب حاسب من انك تحب حد مايستاهل
واوعاك تكون من قطعي الارحام
ليقطعك ربنا من رحمته
واحرص على ذكر الله
وصلي الوقت فى وقتة
وقول يا معين عني
وما تحط راسك فى التراب زى النعام
ارفع راسك حتى لو في يوم تكون تعبان
وما تنكسر من الدنيا يا ولدي
واوعاك تكون وحدك اعمل لنفسك سند
لو مالت الدنيا عليك تميل انت علية
وما تنكسر نفسك
وخلي سرك لنفسك
حط السر في بيرك وما تعرفوش لغيرك
واوعاك تكره يا ولدى
ده الكره زى النار تاكل ف القلوب
وحب كل الناس العدو قبل الصديق
واوعاك تنسا تهون عليه القبر
وهى دى رسلتى ليك خليها بين ايديك
ومتنسها طول الحياة
####احمد ابراهيم الهواري
ليست هناك تعليقات:
إرسال تعليق