إسكندريه الروح . بقلم \ أحمد شاهين
يا قلبى يا اسكندرانى
يا طاير فوق سماها
لفيت كل الموانى
ورجعت لها لهواها
دا إسكندريه الروح
ويايا فين ما بروح
هى بكل وضوح
جوايا وانا جواها
قلبى عايش فيها
وانا بعيد عنها
ياربى خليها
ولا أتحرم منها
دا إسكندريه الروح
ويايا فين ما بروح
يا غُربتى هونى
صورتها ف عيونى
ومسيرى يوم ارجع
وتحس بجنونى
دا إسكندريه الروح
ويايا فين ما بروح
أصرخ . بموت فيها
تحُضننى نواصيها
وتبوسنى شوارعها
وبعمرى أهديها
دا إسكندريه الروح
ويايا فين ما بروح
هى بكل وضوح
جوايا وانا جواها
يا قلبى يا إسكندرانى
يا طاير فوق سماها
كلمات \ أحمد شاهين
8 \ 4 \ 2016
م . ش . ع
ليست هناك تعليقات:
إرسال تعليق