** مناجاة **
نظرتك يا ربى رحمة
للقلوب الموجوعين
وسط عالم كله زحمة
كله خوف .. مليان انين
و فى خزاينك .. كل راحة
كل شئ طيب .. جميل
اشفى روحى .. من جروحى
دلنى فين السبيل
خد بايدى لدنيا واسعة
فيها راحة البال دليل
و ان لقتنى بعدت عنك
شدنى .. و املانى طاعة
خلى نفسى تبقى هادية
و املا قلبى بالوداعة
خلى شجرى يبقى طارح
بالايمان ... و استر طريقى
يبقى حبك فيا ساكن
فى الشدايد كون صديقى
كونى لى نور يهدينى دايما
لما يبقى فى روحى خوف
و ان قسيت و الضعف ساقنى
خلى عينى بيك تشوف
فهمى على
ليست هناك تعليقات:
إرسال تعليق