يابحور الشعر أبكي.. وانزفي بحور الدموع.. أبن أختي زاد ف شيبتي.. وطفي أنوار الشموع. كان صعيب علي خبره.. ولا نومته ياناس ف قبره.. ألقي فين أيوب وصبره..
. ولا صبرك يا يسوع. كان محمد نور وآية.. وكان حكاية للحكاية.. طيبة.. عشره.. وكان بداية.. لضحكة حلوة تعيش معايا. كان يقولي ياخالي بينا.. نزرع الآمال جنينه.. قوم تعالي أنت وحشني.. ياللي زارع حب فينا. نفسي اجيلك مانت عارف.. ضحكتك تملا الشفايف.. وما جيلك وأبقي جنبك.. عمري أبدا ما ابقي خايف.. كنت بتودع ياأبني ؟! ولا بتزود ف حبي..؟! دانت عايش جوه قلبي.. وبسمتك جوه الضلوع.. يابحور الشعر أبكي.. وانزفي بحور الدموع.. أبن أختي زاد ف شيبتي.. وموته طفالي الشموع.
حسن عمران.
ليست هناك تعليقات:
إرسال تعليق