اهل الكهف
-------------
سقطوا الاقمار
إنحنوا كفوف الارض
ورغم الوجع
لاحت رايات العز ع العالي
وشمس الشهامه
محيت جناح العتم
طلت كإنها حامله بشاره
بمولد صباح جديد
دقوا الكحل ت نكحل عيون العروس
عمتصهل خيول الفرح
وعرفت اهلي دوم خياله
كتبوا الكرامه عطر
عخدود التاريخ
ومثل النسور إتعودوا
بجنحانهم بيشربكوا خيوط الغيوم
وما بيركعوا
ما بيركعوا الا لخالق هالدني
ويا ريت يلي بيجهلوا يفيقوا
ما دامهم اهل الكهف فاقوا
ليست هناك تعليقات:
إرسال تعليق