يا ولدي قد مات هويسا
من مات فدائا للدبدوب
او صاحب بت عبيطه كتير
وف عيد الحب اشتري أرنوب
ياولدي قد مات هويسا
من مات فدائا للدبدوب
من طاوع نفسه وسذاجتها
واتعلق بيها كتير جدا
واتصور ويا رباط جزمتها
ونزل صوره علي الفيس بوك
من كرمش ورقه ب عشره جنيه
واشتري م العبد داناش وباتيه
ودخل وياها السينما كتير
واتعشي معاها عسل وفطير
واداها الهاند فري ف المترو
تسمع اغنيه ل عم منير
كان شايف نفسه كتير حبوب
ياولدي قد مات هويسا
من مات فدائا للدبدوب
من قال ان الحب روايه
وكتب ف عنيها شعر كتير
واتمني انه يشوفها عروسه
ويشوف ف عنيها نفسه امير
واكتشف انه اتباع ف الاخر
ب إزازة بيبسي وشوب عصير
وان البعد قدر مكتوب
ياولدي قد مات هويسا
من مات فدائا للدبدوب
او صاحب بت عبيطه كتير
وف عيد الحب اشتري أرنوب
ليست هناك تعليقات:
إرسال تعليق