حساب العمر
بانام واصحي
وانا رافضة
وصوت القلب يكويني
اقول له كلام.
.يقول لي كلام
بنبرة حزن تشجيني
بألملم م الضنا خوفي
يونسني...يحاكيني
وغربة مهاجرة لأيامي
ورافضة ف يوم تواسيني
مرار الصبر في جوفي
مصاحب عمري وسنيني
تقولوا العمر زاد حتة
وجايين لي تهنوني
أتاري العمر بيسابق
وراح ينقص ولا يجيني
قولوله ياناس يقف حبه
ده انا فاقدة موازيني
ونفسي أعيش ولو لحظة
سعادة قلبي تداويني
حساب العمر مش طوله
حسابه سعادة ترويني
مرفت حموده
ليست هناك تعليقات:
إرسال تعليق