الشاعر / أحمد حسين عبد الواحد ( أحمد الطيب )#حق_الأمم ........
_ اصرخ يا قلمي قبل حبرك ما يشطب
_ و انقذ بلادي م الل دمر و الل خرب
_ خلي حروفك صاحيه قولها ما تناميش
_ خليكي دايما عاليه ع الحق ما تسكتيش
_ و انسىٰ حروفنا لما صرخت م الألم
_ و القلم نفسه صرخ و حبره سال كانه
دم
_ ما انت الل ناسي و بتكتب حبه عشق و حبه ندم
_قولي فين حق الامم .. قولي فين حق الامم
_ امم عربيه اسلاميه توحدوا بس ف الشهاده
_ اتوحدوا ف اماكن العباده
_اتوحدوا علشان يشوفوا المنفعه فين و الزياده
_ قالوا عرب هدفنا واحد يلزم لنا تخطيط دقيق
_ و كل حاكم للاسف اختار لشعبه ميت طريق
_ شفنا انفجار من قوته ولع بمكانه الحريق
_ شفنا ارهاب من قسوته حزنا ع الطفل الغريق
_ اصرخ يا قلمي قبل ما يزيد الدمار
_قبل ما تداري ستاير الانين ضى النهار
_ لحد امتى هنكون ضعاف للطبطبه و الاعتذار
_ لا بد يجي اليوم بقى و تترفع رايه انتصار
_ يللا نتوحد في كلمه هدفها حق مش انكسار
_اتوحدوا علشان نجيب حق مسلم اتظلم
_ علشان نحرر قدس آهتها ولعت كالحمم
_خلاص كفايه سكوت بقى و شيلوا باديكوا العمم
_ خلونا نصبح منصورين و نحقق حق الامم
بقلمي / أحمد الطيب
ليست هناك تعليقات:
إرسال تعليق