احاسيس
احاسيس جوايا بتمخطر
وبترقص علي وجع الماضي
والامل استنيته اتاخر
وباخاف لا يقول انا مش فاضي
وماهو اصل اللبن اما اتعكر
كان صعب اكون بيه انا راضي
واما اقعد كده وحدي افكر
بالقاني بافكر في الماضي
وكاني هاتوه جوه الحاضر
او خايف منه اما يقرب
باتحجج وباقول اناصابر
وانا اصلا منه ساعات باهرب
واما اقعد ع النيل احكيله
عن حيرتي واحوال الدنيا
بيرد عليا اما اشكيله
ويقول بس اهدي انت شويه
وبتيجي الموجه تغرقني
قال يعني بتغسلي همومي
والقاها بضحكه تشوقني
فاتبسم واستقبل يومي
احاسيس
بقلم
خالدالكردي
ليست هناك تعليقات:
إرسال تعليق