**من وحى المحليات**...كلمات / محمد فارس ابوعمار

**من وحى المحليات**
مر عليا م الحى وفات
حضرة مسئول الاشغالات
لقى بره الدكان حبة حاجات
فرشه وصبفره وجالون معجون
لزوم بالبويه والدهانات
جنب الدكان سنتيمترات
قال عندك محضروقضيه
والتهمه ثابته مايه المايه
ياتقفل دكانك وتروح
او ايدك على الف ومايه
ياخدك ع القسم وتتبهدل
وتاخدلك علقه حرميه
استنى يابيه عليا شويه
ماتاخد الحاجه وتعتقنى
ومسامحك فيها صدقنى
انت بتسخرمنى تهزأنى
وانااعمل ايه بالحاجه يعنى
هات بطاقتك والرخصه
وحصلنى ع الحى بسرعه
واناماشى اكعبلت ف رجلى
اتكسرت وبرضو مارحمنى
وفى الحى اتهامات بيكيلى
قطعت شجره كسرت رصيف
ومن سرقة نورمشغل تكييف
وفاتح ع الارض الحنفيه
وبترش الشارع بالمايه
والدنيا حرف عز الصيف
وتتعدى على موظف ميرى
موظف اصله شريف وعفيف
منك لله ح تخرب بيتى
لاعندى نور لامايه
والدنيا ف عز الشتويه
ونفسى افطرطعميه
ومنين اجيب حق التكييف
وانا مش لاقى حق رغيف
دا انا مش لاقى حق رغيف
كلمات / محمد فارس ابوعمار