قول ياعاطي.
أوعي تيأس أو تتاطي.. أو تقول خلصت حياتي.. لسه فرج الرب أتي.. وإن نسيت قول ياعاطي. خللي أملك.. جوه قلبك..
.. شئ منور ليل نهار.. بس برضة يبقي عملك.. شئ وداير ف المدار.. كله شايفه.. كله عارفه.. الغريب قبلك ياجار.. قوم ساعتها الرب يعطي.. والعطايا تكون كتار.. ياللا قوم دي الحركة بركة.. والحياة طالبة المشاركة.. لو تكسل.. أو تعسل.. تبقي خسران ف المعاركة!!.. شد حيلك مد أيد.. أيد وتنفد ف الحديد.. يومها رزقك دوغري يكتر.. يومها رزقك راح يزيد.. ونقولوا لك الف بركة.. يابني لازم م المقاوحة.. واوعي تفتكرها سهلة.. عيش مهابر.. بس صابر.. وإن فشلت تقوم بحنكة.. قوم وأسعي وبرضه حاول.. واعدل الحظ اللي مايل..ده المجرب نفسه قايل.. قبل رزقي يكون نشاطي.. وأوعي تيأس أو تتاطي.. أو تقول خلصت حياتي.. لسه فرج الرب أتي.. وأوعي تنسي الرب عاطي. خالص تحياتي الشاعر والمؤلف :
حسن عمران 5/4/2016
ليست هناك تعليقات:
إرسال تعليق