كلمتين وبس
هقول كلمتين ومش مهم
تقال أوخفاف
ماخلاص بطلت أخاف
من كتر ماقلبى شاف
وطن بيضيع باأعلام بقى 99%أسفااااف
برامج طبخ ولبخ نفسنه تسخين سب وقذف
وكلام فى الدين و العقل خف
وأغانى وأفلام مياصه
والأبطال سنجه ورقاصه
ألفاظ خارجه
وثقافه مغلوطه
ورقابه لفه دماغها بفوطه
لاء ويقولك رايحين على فين
طب بالذمه مش عارفين
ريحين ننفخ ال تيييييت بلالين
ونقدمه هدايا للمتربين
إللى بيموتو فدانا يامغيابين
وبكل جهل وبجاحة عين
يقولو أبداع ومبدعين
وهو شجر الجميز بيطرح تين
أزمة أخلاق وفيها عايشين
نغلط ونهين
ونقول أسفين
الله يرحم أبله فضيله
ومعانى كانت حلوه جميله
نيلتوها بستين نيله
السيدالباز
ليست هناك تعليقات:
إرسال تعليق