احذر ما تتغرش ياظالم
الدنيا ترس كبير وداير
بيعلى أوقات للسحاب
وسعات بيرميك فى المصاعب
راح تيجى يوم فى سكته
ويلف سنه عليك دا لازم
لكن لو إنتا نهر جارى
حتعدى بين اسنانه سالم
احذر ما تتغرش وتنسى.
وعلى العباد ديما بتأسى
وان حد قالك يوم حرام
بتخلىً يومه سواد واسوه
احذر ماتتغرش بلاش
وتقول براعه وجاه وكاش
الموت فى لحظه بيخطفك
لو فى الشباب او ع المعاش
مش فارقه ساعتها الحنوط
ولا حتى ايه نوع القماش
الفرق اللى تسعى ليه
قدمت ايه بالخير وعاش
(اللهم أحسن ختامنا)
م/ش
على البحيرى
◦
ليست هناك تعليقات:
إرسال تعليق