غدار يابحر
جايين لك ياخدوك بالحضن
علي شطك راح ينسوا الهم
كل امالهم ضحكه بسيطه
ويتمشوا شويه ع الرمل
حبة حب وقلب يضم
بداوء الرحله بغنوه جميله
و صحبه اهي جمعت كل الاهل
علي الشط نصبو الشمسيه
والكوره اهي رايحه وجايه
اكله جميله تلم العيله
ونزلو بسرعه لحضن البحر
ليه حضنك كان قاسي عليهم ؟
وامواجك ليه غدرت بيهم ؟
اخدت منهم كل مافيهم !
ورميتهم جسامين ع الشط
شئ مقسوم ودا امر الله
مين راح يهرب م المكتوب
بعد الموت راح تيجي حياه
فيها الغالب والمغلوب
الحق نفسك توب عن ذنبك
اصل حسابه مامنه هروب
بص يابحر الكل حزين
حتي الرمل بيشكي انين
ام بتبكي واب بيدعي
والناس واقفه شمال ويمين
هما بيبكو بحرقه عليهم
وانت بتضحك ع الباكين
راح الحلم يابحر خسارة
ويا القرحه ف غمضه عين
قسوه قلبك غلبت حبك
قولي يابحر جايبها منين ؟
كات احلامنا شويه ميه
نغسل فيهم هم الدنيا
واما جينالك نلقي حنانك
شوفنا الموت بدل الحنيه
قولي يا بحر حبايبك مين؟
دوقنا بسببك مر سنين
امتى تصالح كل حبايبك
واللي يجيلك تاخده ف حضنك
تملاه فرحه وشوق وحنين
أسمع مني يا بحر وصية
أرحم ضعف كتير عايشيين .
قصيدة / للشاعره سوميه محمود
حقوق النشر محفوظه للشاعره
ليست هناك تعليقات:
إرسال تعليق