****مسحراتى****
مسحراتى داير ليلاتى
اصحى خلق الله تصوم
غلبت انادى واقول واهاتى
ياخلق دا احنا ف شهرصوم
طب ليه ياساده شهرالعباده
واخدينه عاده سهر يانوم
اللى فى غفله واللى فى سهوه
واللى فى خيمه رقص ومغنى
واللى فى قهوه طاوله ف ايده
شيشه فى بقه سامع الادان
الفجريدن ماعايز يقوم
ولعب كوره عيال ف حاره
لاحدعارف للذكريقرا
ولاالمذاكره من الضجيج لهانصيب
ولا ف لحظه حدعارف يجيله نوم
وحد تانى بسبب سيجاره
مزاجه شايط اكمنه صايم
ناقص يطلع من الهدوم
ياخلق اصحى امته تقوم
فتح عيونك ولوعارفنى
قرب شويه عشان تشوفنى
اسمعها منى ماتكسفشى
خدها نصيحه واضحه وصريحه
خد م النهارده زادك لبكره
صحى ضميرك اللى ف اجازه
وعايشها دنيا اخرلذاذه
سايب صلاتك فاسد صيامك
وتقول دى نقره وديا نقره
تاكل حرام وتقول صيام
ومنين اكفى طلبات عيالى
تمد ايدك للحرام
وتقول ياناس داخيروجالى
واخد مالك ومال اخوك
وسايبه ياكل بعيش ودقه
كبيروشايب وعقله غايب
وفاضله بكره ع القبرزقه
الدنيافانيه فاكرها دايمه
هم بتوبه قبل الاوان
فرصه النهارده وتكون نصوحه
قبل ماتندم على اللى كان
فرصه وجالك شهر الصيام
فرصه وجالك شهر الصيام
************************
كلمات/محمدفارس ابوعمار
ليست هناك تعليقات:
إرسال تعليق