لو هسافر جوه عينك نص قرن من السنين
تسمحيلي ابوس جبينك وادعي ليكي واقول آمين
تسمحيلي ابني الكرامه جوه قلبي بنظره منك
لاء واقول الفين سلامه لو بعدت ف لحظه عنك
انتي إيه وفين حدودك مين راسمها
والقوافي اللي ف خدودك مين ناضمها
والورود
طبقيني وازرعيني جوه منك بالوعود
دوسي جامد اعصريني حبي جود
لملميني ف الشفايف اخلطيني بالوجود
قولي انك الحقيقه
قسميني ان شالله ثانيه ف الدقيقه
اتبسمي وانشري اللي فاضل من حلاوتك جوه مني
اتعلمي ازاي تخلقي عبري واتزحلقي علي كل شق
قبل منك انتي كان
ولو ضروري تودعيني
اخنقيني ف المكان
يمكن اصحي وانسي إني
كنت بحلم وف منام
ليست هناك تعليقات:
إرسال تعليق