الشاعر المصري / احمد ابراهيم
**************************
فى قصيدة ( زيك بعيش الحلم )
***********************
زيك بعيش الحلم والحلم مش كامل
والجرح شايله القلب والفجر مش باين
اطوي خلاص الحلم وعد الهوى خاين
ارمي معاك الصبروالدمع والاشواق
درب الحنين غايم
ما انا قولت ليكي كتيرانى الفراق والجرح
عايش هنا دايم
درب الآلم طايل
فى عنيكي بحر دموع
والرعشه فى شفايف
صرخة حنين موجوع بين العيون خايف
زيك بعيش الحلم زيك وانا خايف
حبيبتي تاه الفرح والفرح كان خداع
والليل ماليه الصمت والحزن والاوجاع
صرخة اهات والصبر الصبر مش طايق
والجرح ما بيتلّم فجر اللقي خاين
زيك بعيش الحلم والحلم مش كامل
لملمت فى الاحلام
وجمعت فى الايام
وكتبت ليكي كلام
ياريت يكون نافع
يوصّل بصرخة حبر يكسر جدار الصمت
يوصّل بشوق دافع
واطويكي بين ايدي فى عيونى اخبيكي
افرش جناين ورد بأديه اعديكي
بس النهار خاين زيك بعيش الحلم
والحلم مش كامل
يا مفسرين الحلم امتى يكون حلمي
كامل ويتفسرشايف انا حلمي
على صخرة متكسّر
بشد فيه خطوتى بس الصعاب اكتر
يا مفسرين الحلم يمكن فى يوم هقدر
اكمّل الاحلام احكي على حلمي
يكمّل ويتفسّرراجع صحيح الفجر ليكي انا بسأل
حبيبتي قّل الحبردمي مداااااااااااااااااااااااد اكتر
والله مدااااااااااااااااااد اكتر حبيبتي
زيك بعيش الحلم
**********************************
الشاعر المصري / احمد ابراهيم
ليست هناك تعليقات:
إرسال تعليق