لِسه يا بهية مِتحيرة..؟!!
والدمعة فى عينيكِ متحجرة
لِساكِ عروسة جميلة منورة
بالمِسك والعنبر مِتعطرة
يحميكِ ربى يا بهية .
ومن الحسد مرقية...
واللى حصلك " عين ردية "
من عوازلك وحُسادك يا بهية
يا أم البشاير والصبر والرضا
أن حُبى ليكِ فاق المدىَ ...
يا ام الجوامع والمقام والأديرة
وحكاية على جبين الزمان متسطرة
منصورة وحلوة وحُرة وأبية ...
يا أرضى وعرضى وكل ما ليا
ريح صفرت وشوية زوابع ..
عشان تبين الشارى من البايع
سلطانة متربعة على عرشك
يا أم الحضارة والنيل والتاريخ
وحالفة ارجع الضحكة لخدودك
إوعى تباتى الدمع على خدودك
ده ولادى سهرانين يحموا حدودك
أنا ولا غيرى صان إنجيلك وقرأنك
أنا ولا غيرى يحافظ على عهودك
بقلمي: فاطمة عقل
ليست هناك تعليقات:
إرسال تعليق