جينات
.......................
وليه المرمضة ف قلبى
دا دقاته ملاغية
واصَبر كل يوم روحى
يابنت الأيه يا جنية
وبَغزل شَعرك الدهبى
شيلان العشق ف سينينك
تدفى روحى لون عينيك
زراقها ف لون سما صافية
ههيم فيها وبالعافية
وهَفرد حبى ف جبينك
واكون اول مُريدينك
ولا هَترك فيوم بابك
ولو جَمَعتى أحبابك
تميل بيه أنا الكفه
يا قدرى وأنتى ف اللفة
ما أنا اللى لسه بتكفى
على اعتابك
ولو لُمتينى ف عتابك
ولو طيف الجمال سابك
ف عشق الروح
جمال صوفى
يا مرسومة على كفوفى
وياما ف عشقى هاتشوفى
ولا هسمح ليوم خوفى
على حَبك يقسينى
يا بادره سكتى ورودك
نسيم عشقك يا جورى وفل
يا ست الكل
يا مرسومة على جبينى
يا نور عينى
هواء روحك يدفينى
جينات رسمك ف تَكوينى
وتكوينى ..حرارة قلبك الدافى
ودوبى ف حضنى تتعافى
ونَدى عطشتى بريقك
وداوى الصمت ف طريقك
وهاتى ايديكى
ضمينى ولا تخافى
ولفيهم على اكتافى
ودفى العشق ف قلوبنا
لأنه هو مكتوبنا
ولا تأسيش
فأرجع أعيش
ليست هناك تعليقات:
إرسال تعليق