و يبقى الخوف على السكة
بيطرح كل خطوة جراح
ما بين حلم انطفا فجأة
و دمعة بتحكى عن شئ راح
و غنوة حزينة مخنوقة
و ناى كتر البكا نساه
لا عارف يشتكى حاله
و لا عارف يخبى الآه
و غنوة حزينة مخنوقة
بتحكى حكاية مش واضحة
و مشوار السفر مسافات
و الف كابوس بدون فرحة
و بكره و شمسه لما تغيب
وتدارى ورا الاكاذيب
و يأس بيرمى فى شبكته
امانى .. فتنتحر و تغيب
و تسرقنا الخطاوى بعيد
و تنسانا فننساها
تبات الضلمة فى عنينا
و تخلق توهة نرضاها
و نتعلم تموت فينا
سنين كانت زمان تتعاش
فلا نسأل عن اللى راح
و لا نحب اللى لسه ما جاش
بقلمى : فهمى على
ليست هناك تعليقات:
إرسال تعليق