زمن الخدع
صعبان عليا دا الجدع
بعد المذاكره والسنين
ضرسه اتخلع
كل الوظايف خصصوها
ووضبوها لنسلهم
مهى ارضهم
عزبة ابوهم جدهم
زمن الوجيعه والخدع
من كدبهم بيوصلوك حد الشبع
ويرسمولك كام شعار
يااما جنة يااما نار
وما فيش خيار
يا تعيشها فار
تجرى وتخطف لقمتك وسط العفار
يا تعيش حمار
وتهز ديلك للكبار
حظك كده يا دى الجدع
اسكت وكرشك يتنفخ
هتعلى صوتك تبقى كاره للبلد
او امشى جنب الحيط
واهو كمالة عدد
او عيش عبيط
سيح فى الموالد
قول مدد
انفض تراب الصمت قوم
ولاانت هتقضيها نوم
خليك اسد
عند اللزوم
زمجر وزوم
قوم يا جدع
مافيش حياة من غير الم
............................رشاد الدهشورى
ليست هناك تعليقات:
إرسال تعليق