حمد حسين أحمد عبد الواحد ( أحمد الطيب ) #كلميني . . .
كلميني عن آمالي
إوصفيني إحكي حالي
إنتِ أدرى حد بيا
و اللي حاسة بإنشغالي
فسري لي يوم ما شوفتك
ليه فرحت إني عرفتك ؟
ولا نظرة عيني ليكِ
عيشتني دور خيالي
كلميني بأصل لونك
طلعي الشوق من عيونك
عهدي باقي ٱني أصونك
و إنتِ واثقة من دلالي
كلميني عن قناعتك
رجعي الذكرى ف خواطرك
ربي يشهد ما جبرتك
و إن حبك شئ مثالي
فكريني أصلي ناسي
لسة حبك هو كاسي؟
بأشربه و أنا نفسي مرة
ترتوي روحي و حواسي
عيني شافت بس صورتك
عقلي ترجم كل سيرتك
كـــــل حتة فيها عطــــــــــــرك
وإنتِ مش دارية بهوالي
سكنيني ف حضن شوقك
عمري يوم ما أقدر أخونك
و لو ح أكون مفتاح غرورك
قدري سهر الليالي
إنتِ مش ملكة بدلالك
ومش هأكون أسير زمانك
قلبي دا سلطان بلادك
و إنتِ نجمة فـ العلالي
ليست هناك تعليقات:
إرسال تعليق