انا رافضة
انا رافضة اكون مسئولة
عن ماضي مانيش حباه
وإن كان القدر صابني
في ربيع عمري مانيش لايماه
عصرت القلب ف ضلوعي
رفضت لصرخته و نداه
ولما ف يوم طلب أرويه
بدمعي كنت اطفي الآه
باخاف لتزوره همساية
تدغدغ فجر انا عايشاه
وارجع تاني وأعاني
وانده فرحي القي صداه
ولما بذوري تتكلم
ما احصد الا قولة آه
وماينوبني من الاحلام
الاقي كابوس وانا جواه
مرفت حموده
ليست هناك تعليقات:
إرسال تعليق