جف القلم
بقلم أميمة عبدالمنعم القاضى
الحبر جف من كتر ما كتب البكا
والليل شكا من كتر ما كتب الوجع
حتى الشجر طرح سكات
والضحكة متهانة باهات
والجرح مين عامل حسابه
فارط جناحة على الطريق
فى كل حته فى قلبنا
والحزن قال عامل صديق
كأنه واحد مننا
والفرح خايف يتولد جوه القلوب
لانه حامل اسمنا
وياساقية دوري
ياساقية دورى جوه منى
واسقى حلم كان فاكرني
أرض بور
لا عمرها طرحت امل
ولا عمرها شالت هموم من حضننا
ومين يحس بجرحنا
ليل الألم عمال بيشتى فى كل يوم
مالى الشوارع والبيوت
فى كل حته فى ارضنا
والجرح ساكن جوه منا
لمس اهاتنا وضعفنا
كأنه صفحة من كتاب بتوصف
نهايه جرح وعذاب صبرنا
ليست هناك تعليقات:
إرسال تعليق