مترجعيش
بقلم أميمة عبدالمنعم القاضى
لو كنتى راجعة مترجعيش
اصلى خلاص من غيرك انا قادر أعيش
وجرحى منك عدى خلاص كل الجسور
ميهمنيش كل الكسور
إللى سبتهالى
وأن كنتى فاكرة
هحزن عليكى طول زمانى
تبقى خسارة مفهمتنيش
لما جيتلك يوم زمان
وركع لااحزانى الكلام
ساعتها كنت محتاج اليكى
ومقدرتنيش
فماترجعيش
كنتى زمان
كنت زمان
مركبى إللى أسافر بها لا ابعد حدود
ومن عشقى فيكى
بغرق معاكى وأقول مكتوب
وفى النهاية مصنتنيش
بعتى قلبى إللى كان معاكى
بعتى عشرة حضنت هواكى
ولا همكيش
لا حزن يسكن جوه عينى
ولا جرح يصرخ بالى فيه
لا سمعتى من شكوت اننينى
ولا دمعت عينك عليا
فما تلزميش
ومتظلميش
ايام جميلة عشتها فى يوم وياكى
ولا ذكرى عاشت فوق النجوم
علشان تنول يوم رضاكى
متظلميش
ومتفكريش
انى خلاص من غيرك انا مقدرش أعيش
مترجعيش
ليست هناك تعليقات:
إرسال تعليق