ست الكل ......قلم \\\\ شيماء يوسف

ست الكل
يا أمي يا ست الكل
يا أمي يا نور عيني
يوم عيدك علينا هل
والكون كله يغنيلي
دا يوم كله ورد وفل
في حضنك يلاضميني
ياقمر نوره علينا طل
وشمس دفاها يدفيني
وقلب كبير يساع الكل
وفي الأحزان يواسيني
بيك وصاني عز وجل
وانت بتدعيله يخليني
ورسولنا على فضلك دل
تلات مرات يوصيني
لمشاكلي ديماً عندك حل
يقوي عزيمتي يقويني
ولولساني في مره زل
كنت ديماً تسامحيني
خير الكلام ما قل ودل
وانا مهما قلت ما يكفيني
قالوا خد من الجبل يختل
وانا حبي ليك عمره ما قل
ولا عمر الأيام تنسيني
ابدا مانوفي حقك يا ست الكل
مهما طالت أيامي وسنيني
دانت الشمس وانت الظل
وحب كبير بيحويني
عمر ما قلبي في قربك مل
بلازمك وبحبك تلازميني
يا أمي يا ست الكل
يا أمي يا نور عيني
قلم \\\\ شيماء يوسف