رساله زين,,,,شخبطه ل / ايمان سامح

رساله زين
شخبطه ل / ايمان سامح
انا ابقى واحد زيكم...
وما بختلفش عنكم...
دانا يمكن احسن منكم...
علشان مفيش جوايا حقد.

شايفنى انى مختلف
انا اصلى عنكم... بختلف
ومهما تقولوا ...فانا معترف
وﻻ مره اقول انا كلمه كدب.
شكلى وجسمى فعلا ...غريب
ودهوا ميزة ... وما كانش عيب
بتخافوا ليه ....دانا مش مريب
دانا جوا منى... ليكوا حب
بتقولوا ليه عنى .... معاق
ﻻ كنت مجرم .... وﻻ كنت عاق
دانا طفل بيخاف .... م الزعاق
لو انتوا عنى تبعدوا ....انا ليا رب
دى رساله من صديقى زين اللى رافع صباعه احد اﻻطفال زوى القدرات الخاصه... يعنى مش معاق ... وﻻ زو احتياج.
والله انا ماشوفت فى حياتى حب وطيبه فى الدنيا زى اللى شفته فيهم
وبالمناسبه اتخطبت لتلاته منهم النهارده هههههههههههعههه
دى دعوه للناس كلها ... ياريت تلف الدنيا
وماهياش قصيده وشعر على قد ما انها رساله من طفل