جحود العمر@@@
بتعاقبيني ولا بتكرهيني
ولا بعذابي في بعدك بتجرحيني
بتهديني في اخر ايامي بتوجعيني
وتقولي بترحميني من شيله العمر
حتي لو ظلمت نفسي عندك ليه
تبقي بتظلميني
مش عاوزه تسامحيني
وانتي عارفه ان ببعادك قسمتيني
قدام عينياو بنادي وبدور لا سامعاني
ولا بتردي ولا بيحن قلبك وتشوفيني
طيب لطريق يداوي روحي بغيابك دليني
لاقيتي طريقك من بعد سنين من غيري
ليه تاخدي عمري وروحي وتسيبيني
يا تسامحيني وتصارحيني
كفاكي عقاب لقلبي وجحود لعشره وحب
مبتحتاجش عنيكي زيي تشوفيني
تقتليني
وعليا مش ملهوفه
لحضني بس انا لك بشتاق وبتوحشيني
مابتحلميش مبتحنيش مبتشتاقيش
غلبت اسألك وبتعذبي فيا كمان
ارحميني بتعاقبي نفسك ليه وبتعاقبيني
قد كده يسعدك عذابي
ومستكتره حتي
ووجودك جنبي بعد العمر بتحرميني
وانت عارفه انك بتشوقيني بقسوتك
ناكره عمري بعد ما راح وكارهه وجودي بعمرك
ليه وازاي قدرتي فهميني
ووسط السنين بوحدتي تركتيني
بعدتي لجل ترتاحي وسط الاغراب والايام تسرقك منا
ولا لقمه ولا دمعه كله يعني جحدتيه نكرتيني
بكبر وبتزيدي غيابك وجراحي
واقول بكره تفتكري ضحكه سوا ضحكناها
ولا رحمه بقلبك تدلك لجل تغسلي
قلبك من دموعك وترتاحي تسامحيها ترحميها
ولا انا بس اللي مش لزماكي و بتهجريني
بقي حلو مش بس عادي
وتعدي السنين وطعم المر جواكي و عذابي
شاقه قلبي بغيابك نصين
وانا روحي لا نسيت ولا ارتاحت ووسط الزحمه
بنادي عليكي وانتي ؟؟؟؟؟
وبإرادتك وبايديكي بقي حلو مش بس عادي
عمر الدم مايبقي ميه والغريب مايبقي زيي
ولا لأيه ولأمتي مكمله عذابي وقاصده
ولا اشيل كفني علي يدي واجيلك وتطلبي الديه
لخبر موتي ان كان مرضي وعتابي
كفاني دموع مابقيت شايفه
مش مكفي لايه تاني مستنيه
كرهتيني يا ضنا عمري ليه وانتي بدمي وضحكتك دوايا
ومن ربي بستني موتي و مترجيه
ليست هناك تعليقات:
إرسال تعليق